Maansadii Damac.

v  Nafyahay daa damaca waalan

v  Ka daa derbiyada abraarka

v  Ka daa dirqigiyo hujuumka

v  Dhirtaad dardaraysoo laylka

v  Dad baa harsan laaye kaadso

v  Ubaxa aad doorinayso

v  Il baa daydayan lahayde

v  Inaad duugtaa ma fiicna

v  Dibnaha eebbuhu ku siiyay

v  Dabkaad ku afuufto joooji

v  Nafyahay xishood daranidaada

v  Damdamtiyo qababacdaada

v  Digdigtiyo hamamagtaada

v  Dawaafkiyo dalaftankaaga

v  Dariiqaan aad ku joogto

v  Wuxuu kugu gaynayaa dal

v  Degmuu kaa ridahayaa xun

v  Cagtuu kuu saarayaa dab

v  Dubkaaga ku cayshi doona

v  Intaanay ku daynin ruuxdu

v  Ka daahiro ceebahaaga

v  Wuxuu kuu diiday eebbe

v  In aad doontaa sax maaha

v  Nafyahay daa waxa la dayryay

v  Wanaaggiyo doon samaanta

v  Xaraantiyo diid xumaanta

v  Ibliiska ku duufsanaaya

v  Ibliiska ku doorinaaya

v  Misana ku danbaajinaaya

v  Ilaah kii diiday weeye

v  Dafiray qowlkiisa weeye

v  Dadkana ballan qaaday weeye

v  Inuu dalaq naar ku siiyo

v  Faxshiga aad daawanayso

v  Ishaadu ku doogsanayso

v  Dunuub wada miiran weeye

v  Deegaan ah ciriiri weeye

v  Dab iyo holaciisa weeye

v  Dareen ah khiyaali weeye

v   Wallow uu yiri dadkeennu

v  Qofkii dhimbila cantoobsha

v  Illeen daay lama yiraahdo

v  Haddana waa iga dardaaran

v  Dabuubtiyo maansadaydu

v  Digniin iyo wayga waano

v  Nafyahay aan garan danteeda

v  Haddaad dhega kuu daloola

v  Oo aad leedahay wax duuba

v  Sideey diinteennu sheegtay

v  Jannadu waa meel diyaarsan

v  Qofkuu eebuhu la doono

v  Ma waayo wuxuu daneeyo

v  Sidii dunidaanna maaha

v  Dood iyo ma leh qaylo taagan

v  Dil iyo ma leh waa la toogtay

v  Dafaa iyo tuug ma joogo

v  Dulmiyo eex lagama sheegin.

 AAbwaan Calinuur Shiine